برامج همسه ابداع عمارالرسام

برامج همسه ابداع عمارالرسام

اهلا بكم في منتديات * همسة ابداع * نتمنى لكم قضاء أجمل الأوقات
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
                                                                                                                                                                                                                                           تشكر" اداره همسه ابداع " الاعضاء والمشرفين الكرام لمشاركاتهم المستمره وتقديم اجمل الابداعات والتصاميم من اجل توفر كل ما تحتاجون اليه الذهاب الى القمه                                                                                                                                                                                                          

شاطر | 
 

 شعر شعبي لطيف

اذهب الى الأسفل 
كاتب الموضوعرسالة
عازف اوتار الحب
مشرف عام
مشرف عام
avatar

عدد المساهمات : 31
نقاط : 12472
تاريخ التسجيل : 16/12/2011
العمر : 29
الموقع : atta0atta

مُساهمةموضوع: شعر شعبي لطيف    الثلاثاء يناير 03, 2012 3:10 pm








خلهن مو ووكتهن خاطر احجيهن
*************************


يجيني الليل واكعد وانفرد بيهن

وافتح بابهن فتحة اجناح الطير

واراويك الجروح الما امراويهن

اجروح ابابهن قوس وحظن نشاب

ويرشـكني اعلـه طولي امنين ماجيــهن

هجرانك جدم وجروحي واحة طين

اتضيك ابطونهن ويعرضن اكفيهن

ومن كتلك ادعيلي اجروح كلبي اكبار

اتــذكر كلتـــلي الله يخليـــهـــن

جا بالجذب كتلي الله يشـــــافيهن

ولا تنشدني عنهن كلشي مابيهن

حمر من نار هجرك والسهر بليل

بس انت العيونك ما ادري شبيهن

جفل غصن العيون وطار منهه النوم

وبجيت امصاوت المخ وي بواجيهن

أنه اعيوني امهات وفاجدات اولاد

خـــافن ذلــتي ومـــا ذبـن اعبيهن

من اخر نجم ضك بلهاة النور

ولحد موت الشمس واعبيهن اعليهن

و يجيني الليل واكعد وانفرد بيهن

وافتح بابهن فتحة اجناح الطير

واراويك الجروح الما امـــراويهن

بساتينك زهن بس شلي بيهن كون

غيري ايشم وردهن وانه الاسجيهن

حرام الماي يلعب يم اشاف الشوج

واجروفة العطش يبــس جــلاويهن

أنه اطيتك اسنيني ابشحة الساعات

ووصيتك اعليهن مـــوش تطيــهن

جا عرضن اعيوني اكبالك ورديت

اشلون اسنين عمري الغيري تهديهن

ّوانه اسنيني الشموع الفوك منهن نار

تنزف روســهن واتضــيع رجليـهن

نبت رمح المساحي بجبدة الكيـــــعان

لاجــن ماحــين لــو ما مــساحيــهن

اذا مات الجرح كثر اللجم يحييه

والجــــــــروح الكبـــــار الموت يحييهن

ولا تنشدني عنهن كلشي مابيهن

حمر من نار هجرك والسهر بليل

بس انت العيونك ما ادري شبيهن

انه اعيوني طوس وليلهن ناعور

ينترسن دمع والليل يــــجفيـــهن

ألك برزخ صور بين الجفن والعين

أصفه امن النوايه النشترك بيهن

ولأن أدري الصور تتشوه من الماي

جفيت اعيوني لايتبدن اعلـــــيهن





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://omar92.forumarabia.com
 
شعر شعبي لطيف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
برامج همسه ابداع عمارالرسام :: مواضيع المنتدى العام :: منتدى الشعر وألادب والخواطر-
انتقل الى: